اسلام آباد 30 جولائي (اے پي پي) داخله وزير محسن نقوي سره د خېبرپښتونخوا ګورنر فېصل کريم کنډي ليدلي٬ په ملاقات كښې په بېلا بېلو چارو د خيالاتو څرګندونه شوې۔ د نهې په ورځ داخله وزارت ته په راتګ وفاقي وزير د ګورنر فېصل كريم كنډي هركلے وكړو٬ دواړو مشرانو په دې موقع د شريكې خوښې چارو پشمول د امن عامه په صورتحال د خيالاتو څرګندونه وشوه۔ وفاقي وزير محسن نقوي ووئيل په صوبه كښې امن او امان لپاره به هر ډول ممكن مرسته جاري ساتلې شي۔ وفاقي وزير ووئيل صوبه كښې فرنټيئر کانسټيبلري، سي ټي ډي او پوليس ته جديد ټيکنالوجي او وسله وركړې كېږي، د ترهګرۍ په ضد جنګ كښې خېبرپښتونخوا په فرنټ لائن ده٬ صوبائي پوليس، اېف سي او د سي ټي ډي مېړنو ځوانانو په دې جنګ كښې د شجاعت تاريخ پخپله وېنه ليكلے ،د ترهګرۍ په ضد جنګ كښې يوازې د كاميابۍ اپشن لرو ۔ وفاقي وزير د دې عزم څرګندونه وكړه چې د ترهګرۍ د لعنت خاتمه به ان شاء الله د قام په اتفاق او اتحاد كوٶ۔
