اسلام آباد 01 اګست (اے پي پي) د دولت مشترکه عمومي سېكترې پيټريشيا سکاټ لېنډ وئيلي دي د پاکستان ځوانان د خپلو تخليقي صلاحيتونو سره د موسمياتي بحران باوجود خپل سباٶن روښانه كولې شي، بايد ځوانان د مصنوعي زېركتيا زيات شوي معاشي صلاحيت څخه ګټه پورته كولو لپاره د جديد ټيکنالوجي پوهه ترلاسه كړي۔ دې دا خبرې تل پاتي پرمختګ لپاره د پاليسي ادارې په اهتمام او د وزيراعظم ځوانانو لپاره پروګرام او د موسمياتي او ماحولياتي وزارت په همكارۍ سره تابيا كړي سمپوزيم كښې وكړې كوم چې په پاکستان انسټي ټيوټ آف پارليمنټري سټډيز (پي آئي پي اېس) كښې وشو۔ په دې موقع د وزيراعظم د موسمياتي بدلون مرستياله رومينه خورشيد عالم خاص مېلمنه وه او د کامن ويلتھ عمومي سېكتره پيټريشيا سکاټ لينډ او د وزيراعظم يوتھ پروګرام (پي ايم وائي پي) چيئرمين رانا مشهود احمد خان كليدي وېنا وكړه ۔ دستوره كښې د كاناډا هائي كمشنري ليسلي سکانلون او د ملګرو ملتونو د پرمختيائي پروګرام نمائنده سيموئيل رزک هم موجود ٶ۔ پيټريشيا سکاټ لينډ ووئيل نوې كول د موسمياتي بدلون د بدترينه اثراتو سره مخ كېدونكے وړومبے كول دے٬ دې ووئيل ستونزو سره په مخ قامونو د موسمياتي تباه كارۍ ټول بار اچول بې انصافي ده۔ دې ووئيل مصنوعي ذهانت به په نړيوال معيشت كښې د 15.7 ټريلين ډالرو اضافه وكړي او ځوانانو له دې څخه ګټه پورته كول پكار دي۔ دې ووئيل دولت مشترکه سليکون ويلي سره په ګډه د مصنوعي ذهانت يوه اكېډمي جوړه كړې دغسې چې ځوانانو ته تربيه وركړې شي۔ د دې نه وړاندې د اېس ډي پي آئي ايګزيکټو ډائريکټر ډاکټر عابد قيوم سلهري٬ رومينه خورشيد عالم٬ رانا مشهود احمد خان سره سره د كاناډا هائي كمشنرې ليسلي سکانلون هم كليدي وېنا وكړه۔ په پائي كښې رومينه خورشيد عالم، د کامن ويلتھ عمومي سېكتري پيټريشيا سکاټ لينډ، داېس ډي پي آئي ايګزيکټو ډائريکټر ډاکټر عابد قيوم سلهري او نورو د يونېسف پاكستان لخوا د “كوپ آن مائي سټي” اقدام پېل وكړو۔
