اسلام آباد 29 جولائي (اے پي پي)وزيراعظم محمد شهباز شريف په خېبرپښتونخوا كښې په دريو بېلو ځايونو د امنيتي ځواكونو لخوا د ترهه ګرو په ضد په كاميابو عملياتو د افسرانو او اهلكارو ستائنه كولو سره وئېلي دي د امنيتي ځواكونو شريكو عملياتو دا ثابته كړې چې ترهه ګر د هېواد دفاع لپاره د پرعزم افسرانو او ځوانانو څخه بچ كېدے نه شي۔د ګل په ورځ د وزيراعظم آفس مېډيا ونګ لخوا جاري شوي بيان له مخې وزيراعظم محمد شهباز شريف ووئېل امنيتي ځواكونو مومند٬ډېره اسماعيل خان او شمالي وزيرستان كښې په بهادرۍ جنګ كولو سره 5 ترهه ګر وژلي٬د امنيتي ځواكونو شريكو عملياتو دا ثابته كړې چې ترهه ګر د هېواد دفاع لپاره د پرعزم افسرانو او ځوانانو څخه بچ كېدے نه شي٬د ترهه ګرۍ لعنت د هېواد څخه تر خاتمې پاكستانے قام د امنيتي ځواكونو سره اوږه په اوږه ولاړ دے۔ده ووئيل زما پشمول ټول قام د امنيتي ځواكونو د هېواد دفاع لپاره په غېر متزلزل عزم دوي ته پېرزوئنې وړاندې كوي۔وزيراعظم مومندو كښې د فتنه الخوارج ترهه ګرو سره د جنګ كونكې د صوابۍ پوليس كانسټيبل ابرار حسېن په شهادت هغه ته د عقيدت پېرزوئنې وړاندې كړې او د شهيد لوړو درجو او د هغه كورنۍ لپاره د زغم دعا وكړه۔
