اسلام آباد 30 جولائي (اے پي پي) د قانون او انصاف وفاقي وزير سينيټر اعظم نذير تارړ وئيلي دي د 35 اربه روپو په لګښت د هيپاټائټس درملنې لپاره د وزيراعظم پروګرام پېل كړے شوے ٬ دې سره به رنځورانو ته د درملنې جديد سهولتونه په لاس ورشي ۔ د نهې په ورځ قامي اسمبلۍ كښې د آسيه ناز تنولي په اسلام آباد كښې د هيپاټائټس سي د رنځورانو د اضافې په اړه د پام راګرځونې د نوټس په ځواب وفاقي وزير سينيټر اعظم تارړ د صحت وزارت لخوا ووئيل د هيپاټائټس پروګرام په 2005 كښې پېل شوے ، په 2011 كښې ډيولوشن پلان كښې دا صوبو ته منتقل كړے شو٬ د دغې نه وروستو د وفاق په كچ كوم باقاعده پروګرام نه ٶ، د اسلام آباد په دوه لويو روغتونونو كښې د دې درملنه كېدله٬ دلته د اسلام آباد نه علاوه د نورو سيمو او صوبو رنځوران هم راځي او د ھغوي هم علاج كېږي۔ده ووئېل اوس وزيراعظم يو مېګا پراجېكټ پېل كړے ٬ د 35 اربه روپو دا منصوبه د پي اېس ډي پي له مخې ده خو په دې كښې به ډوپلمنټ پارټنرز هم معاونت كوي۔ ده ووئيل دا يو لوئي پروګرام دے ٬ په دې كښې په پمز كښې په يو كال كښې 90 زره ټېسټونه شوې٬ 3 زره 664 مثبت كېسز رامخې ته شوې٬ دا شرح څلور فيصده ده٬ دوي ته داروګان هم وركړې شوي٬ مونږ هيله لرو چې د وزيراعظم پروګرام سره به د پاكستان وګړو ته د سټيټ آف دي آرټ سهولتونه ترلاسه شي۔ د يوې پوښتنې په ځواب ده ووئيل د دې رنځ په اړه آغا خان فائونډيشن لوئي كار كړے٬ د دې بنيادي سبب اوبه وې٬ دا د استعمال شوي سرنج ٬ آلاتو او نورو ذريعو څخه خپرېږي، د دې رنځ مخنيوي په لړ كښې د شعور بېدارولو كمپائن هم چلېدلے ۔
