اسلام آباد 23 جولائي (اے پي پي)د اطلاعات٬خپرونو٬قومي ورثه او كلتور وفاقي وزير عطاﺀ الله تارړ وئېلي دي د تحريك انتشار مشر آخر دا چې د 9 مئي په پېښه كښې د سهولت كارۍ او منصوبه سازۍ جرم اعتراف وكړو٬د دې شرخوښي انتشاري ټولګي په ضد سخته كاروائي د هېواد د سلامتيا او قامي مفادات تقاضا ده۔د نهې په ورځ په خپل بيان كښې د اطلاعات او خپرونو وفاقي وزير ووئيل د پي ټي آئي سياست تل د تشدد او شرخوښۍ د لارې رياست ته د زيان رسولو پاتي شوے ٬هغوي تل په مړو سياست كړے٬ په 9 مئي د 200 څخه په زياتو پوځي تنصيباتو او په جي اېچ كيو بريدونه شوي ٬د كور كمانډر هاؤس نه بهر د عمران نيازي كورنۍ خلق موجود وو كومو چې د بريدونو هدايت كولو۔ده ووئيل زمان پارك د ترهه ګرو تربيتي هيډكواټرز جوړ ؤ چرته چې پیټرول بم جوړېدل او په رياست د بريد تربيت وركړے كېدو۔وفاقي وزير ووئيل آئي اېم اېف ته خط ليكل٬هېواد ډيفالټ كول٬د سائفر ډرامې نه تر د شهيدانو يادګارونو بې حرمتي وكړی شوه ٬هغوي هغه هر يو كار وكړو كوم چې هېواد دښمن ونه كړے شو ۔عطاﺀالله تارړ ووئيل دې شرخوښي ٬انتشاري ټولګي په ضد سخته كاروائي د هېواد سلامتيا او د قامي مفادات تقاضا ده۔
